Kandati sempat baku tahan, om susupo dengar, ini hari itu APBD Perubahan somo di toki palunya dewan. Yah, om susupo pikir, kalu somo di toki palu, berarti itu program kesehatan gratis somo mulai bajalan barangkali ee…Karna om susupo dengar-dengar, depe doi ada tasadia di APBD Perubahan, kon depe jumlah sampe dua milyar lebeh. Kalu ini program so bajalan, barangkali so te ada lagi ini orang miskin yang mengeluh akan dorang pe kondisi di rumah sakit. Selama ini, om susupo kuat skali badengar ini orang sakit atau depe kaluarga, yang mengeluh soal itu rumah sakit pe pelayanan. Mulai dari depe kondisi ruangan, depe patugas, depe obat-obatan, sampe soal pungutan yang muncul, kon depe tagihan ada yang bukan dibayar diloket. Blum lagi soal mo pake oto ambulans termasuk yang ada di Puskesmas, yang musti babayar.
Kalu memang ini program jaminan kesehatan buat orang miskin so bajalan, barangkali so te ada orang miskin yang mo baku tahan depe panyakit kon cuma babadiam di rumah. Orang yang susah tantu somo rajin bapareksa kalu ada dia rasa sakit-sakit.
Cuma so itu, om susupo masih babatanya, kira-kira ini pelayanan kesehatan model apa yang bisa jadi gratis itu. Karna sarta ini program kesehatan gratis ada dimuatnya koran-koran, pe banyak skali orang yang ada batanya sama om susupo, soal panyakit apa-apa saja yang badapat pelayanan gratis, soal obat apa-apa saja yang te dibayar, kon di ruangan mana saja di rumah sakit yang bisa badapat akan itu jaminan kesehatan gratis.
Om susupo pikir, so disini tugasnya pamarentah, terutama itu dinas kesehatan, buat bakase penjelasan sama masyarakat kacili, apa-apa yang bisa dilayaninya itu program yang te babayar. Jang sampe, ini orang kacili kasian soharap-harap mo gratis samua, ebee ternyata tatap ada yang mo dibayar.
Jadi kalu memang so gratis, yah kase jelas sama orang-orang, yang mana-mana itu yang gratis, kon depe model pelayanan yang bagimana, baru obat apa yang bisa didapat cuma-cuma. Te cuma itu, ini pamarentah deng dewan juga musti ba awasi, kalu memang so gratis, jaga kasian ini stok obat, supaya jang salalu muncul alasan, karna obat tertentu te ada depe stok, akhirnya ada resep yang musti ditebus di apotik, kon depe ujung-ujung, babayar juga.
Om susupo cuma mo kase ingat ini, kalu memang mo serius ba urus orang sakit, yah urus kasian bae-bae. Jang juga karna so gratis, baru depe pelayanan sambarangan. Jang sampe, ini pelayanan di ruang VIP, dikase bae-bae skali, depe patugas senyum turus, kon depe ruangan bersih skali, baru kalu di ruangan yang tampatnya pasien jamkes, depe pelayanan te kaliatan sama. Yah, jang sampe mentang-mentang buat pasien gratis, baru ada patugas yang mambungut balayani, kon depe ruangan te dikase gagah…**
Kalu memang ini program jaminan kesehatan buat orang miskin so bajalan, barangkali so te ada orang miskin yang mo baku tahan depe panyakit kon cuma babadiam di rumah. Orang yang susah tantu somo rajin bapareksa kalu ada dia rasa sakit-sakit.
Cuma so itu, om susupo masih babatanya, kira-kira ini pelayanan kesehatan model apa yang bisa jadi gratis itu. Karna sarta ini program kesehatan gratis ada dimuatnya koran-koran, pe banyak skali orang yang ada batanya sama om susupo, soal panyakit apa-apa saja yang badapat pelayanan gratis, soal obat apa-apa saja yang te dibayar, kon di ruangan mana saja di rumah sakit yang bisa badapat akan itu jaminan kesehatan gratis.
Om susupo pikir, so disini tugasnya pamarentah, terutama itu dinas kesehatan, buat bakase penjelasan sama masyarakat kacili, apa-apa yang bisa dilayaninya itu program yang te babayar. Jang sampe, ini orang kacili kasian soharap-harap mo gratis samua, ebee ternyata tatap ada yang mo dibayar.
Jadi kalu memang so gratis, yah kase jelas sama orang-orang, yang mana-mana itu yang gratis, kon depe model pelayanan yang bagimana, baru obat apa yang bisa didapat cuma-cuma. Te cuma itu, ini pamarentah deng dewan juga musti ba awasi, kalu memang so gratis, jaga kasian ini stok obat, supaya jang salalu muncul alasan, karna obat tertentu te ada depe stok, akhirnya ada resep yang musti ditebus di apotik, kon depe ujung-ujung, babayar juga.
Om susupo cuma mo kase ingat ini, kalu memang mo serius ba urus orang sakit, yah urus kasian bae-bae. Jang juga karna so gratis, baru depe pelayanan sambarangan. Jang sampe, ini pelayanan di ruang VIP, dikase bae-bae skali, depe patugas senyum turus, kon depe ruangan bersih skali, baru kalu di ruangan yang tampatnya pasien jamkes, depe pelayanan te kaliatan sama. Yah, jang sampe mentang-mentang buat pasien gratis, baru ada patugas yang mambungut balayani, kon depe ruangan te dikase gagah…**